یم پی اے پر تشدد کے الزام میں تحریک انصاف کے ایم این اے پر مقدمہ درج

پنجاب کے ضلع لیہ میں آزاد رکن پنجاب اسمبلی احمد علی اولکھ کو گالیاں دینے اور تشدد کرنے پر تحریک انصاف کے رکن قومی اسمبلی عبدالمجید خان نیازی کے خلاف پولیس نے مقدمہ درج کرلیا۔

احمد علی اولکھ نے پولیس کو شکایت درج کراتے ہوئے کہا کہ لیہ کی تحصیل کروڑ کے نشیبی موضع راکھ واں میں سندھ کا کٹاو روکنے کے لئے حکومت پنجاب نے 45 کروڑ روپے کے فنڈ جاری کیے تھے۔ گزشتہ شام کو منصوبے کا جائزہ لینے کے لئے محکمہ انہار کی ٹیم پہنچی تو آزاد رکن صوبائی اسمبلی و سابق صوبائی وزیر احمد علی اولکھ نے اس منصوبے کی منظوری میں اپنی کوششوں پر بات شروع کی۔

احمد علی اولکھ کے مطابق اس دوران وہاں موجود تحریک انصاف کے رکن قومی اسمبلی عبدالمجید خان نیازی نے مجھے فحش گالیاں دیں جس پر وہاں موجود لوگوں نے بیچ بچاؤ کروایا۔

احمد علی اولکھ نے کہا کہ عبدالمجید خان نیازی، اس کے بیٹے عبدالرحیم اور اس کے گن مینوں نے مجھے اور میرے سپوٹرز کو تشدد کا نشانہ بنایا۔

پولیس نے تحصیل کروڑ اسپتال سے احمد علی اولکھ اور اس کے ساتھیوں کا میڈیکل کروانے کے بعد مقدمہ درج کرلیا ہے۔

واضح رہے کہ اس واقعہ کی ویڈیو بھی سوشل میڈیا پر وائرل ہورہی ہے جس میں عبدالمجید نیازی اور ان کے ساتھیوں کو نازیبا الفاظ استعمال کرتے ہوئے دیکھا اور سنا جاسکتا ہے۔

Read More

صوبہ بھر میں تمام تعلیمی ادارے منگل کو بند رہیں گے، سندھ حکومت

سندھ بھر میں تیز بارشوں کے سبب صوبائی حکومت نے اعلان کیا ہے کہ کل (منگل کو) صوبہ بھر میں تمام تعلیمی ادارے بند  رہیں گے۔

صوبائی وزیر تعلیم سردار شاہ کا کہنا ہے کہ سندھ بھر میں تمام نجی اور سرکاری ادارے بروز منگل بند رہیں گے، یہ فیصلہ صوبہ بھر میں ہونے والی تیز بارشوں کے پیش نذر کیا گیا ہے۔

صوبائی حکومت کے اعلان کے بعد پرائیوٹ اسکولز ایسوسی ایشن کی جانب سے بھی تمام تعلیمی ادارے بند رکھنے کا فیصلہ کیا گیا ہے۔

اس کے علاوہ این ای ڈی یونیورسٹی میں کل ہونے والے تمام پرچے ملتوی کردئیے گئے ہیں، یونیورسٹی انتظامیہ کا کہنا ہے کہ نئی تاریخ کا اعلان بعد میں کیا جائے گا۔

ملک کے مختلف علاقوں میں مون سون بارشوں کا سلسلہ جاری ہے، راجستھان سے آنے والے بارش کے نئے سسٹم کے باعث کراچی میں صبح سویرے کالی گھٹائیں چھاگئیں، شہر میں آج دن بھر گرج چمک کے ساتھ بارش ہوتی رہی۔

کراچی کے مختلف علاقوں میں بارش کا سلسلہ اب بھی جاری ہے، شاہ فیصل کالونی، بلوچ کالونی، کورنگی، گلشن اقبال، پی ای سی ایچ ایس، گلستان جوہر، فیڈرل بی ایریا، ناظم آباد، نارتھ ناظم آباد، سرجانی، صدر، آئی آئی چندریگرروڈ، ایم اے جناح روڈ، ملیر، ایئرپورٹ اور شارع فیصل پر شدید بارش کے باعٹ جگہ جگہ پانی کھڑا ہوگیا جبکہ ندی نالوں میں بھی پانی کا بہاؤ کافی تیز ہے۔

سڑکوں پر جگہ جگہ پانی کھڑا ہونے سے ٹریفک کی روانی متاثر ہے جبکہ دوسری جانب شہری موسم کا لطف اٹھانے کیلئے سی ویو ، کلفٹن سمیت دیگر تفریحی مقامات کا رخ کر رہے ہیں جس کے باعث شاہراہوں پر گاڑیوں کا شدید دباؤ ہے۔

محکمہ موسمیات کے مطابق کراچی میں بارش کا سلسلہ آئندہ دو روز تک جاری رہنے کا امکان ہے۔

 حیدرآباد میں بھی مون سون کی بارش کا سلسلہ گزشتہ رات سے وقفے وقفے سے جاری ہے، بارش کے باعث سڑکوں پر پانی جمع ہونے سے شہریوں کو شدید مشکلات کا سامنا ہے۔

Read More

ڈالر کی قیمت میں معمولی کمی، آج کے کرنسی ریٹ

اوپن مارکیٹ میں ڈالر کی قیمت معمولی کمی سے 160 روپے کی سطح پر برقرار ہے، پاکستانی روپے کے مقابلے میں آج (پیر کو) ڈالر، یورو، پاؤنڈ، ریال، درہم سمیت دیگر کرنسیوں کے نرخ یہ رہے 

Read More

چیئرمین سینٹ کے خلاف تحریک عدم اعتماد بے معنی ہے، جہانگیر ترین

رہنما پی ٹی آئی جہانگیر ترین نے کہا ہے کہ چیئرمین سینٹ کے خلاف تحریک عدم اعتماد بے معنی ہے اس میں پی ٹی آئی کامیاب ہوگی ۔

ملتان میں میڈیا سے گفتگو میں رہنما تحریک انصاف جہانگیر ترین کا کہنا تھا کہ چیئرمین سینٹ کے کام کو پیپلزپارٹی اورن لیگ کے سینیٹرز بھی سراہتے ہیں شبلی فرازروایت کے تحت فضل الرحمان کے پاس گئے ۔

ان کا کہنا تھا کہ شبلی فرازروایت کےتحت فضل الرحمان کے پاس گئے، شبلی فرازاوروزیراعلیٰ کو مولانا کے پاس نہیں جاناچاہیے تھا۔

جہانگیر ترین نے کہا ہے کہ لودھراں میں سیکرٹریٹ بنانے کی بات کبھی نہیں کی جبکہ جنوبی پنجاب سیکرٹریٹ کہاں بنے کچھ نہیں کہہ سکتا۔

Read More

بلوچستان میں این جی اوز کا ازسر نو ریکارڈ مرتب کرنے کا فیصلہ

وزیراعلیٰ بلوچستان جام کمال خان کا کہنا ہے کہ فنانشل ایکشن ٹاسک فورس کی سفارشات پر عملدرآمد امن کے قیام کے لئے ہمارے اپنے مفاد میں ہے۔

کوئٹہ میں وزیراعلیٰ کی زیرصدارت منعقد ہونے والے اجلاس میں فائنانشل ایکشن ٹاسک فورس (ایف اے ٹی ایف) کی سفارشات پر عملدرآمد کا جائزہ لیا گیا۔

ایڈیشنل چیف سیکریٹری داخلہ حیدر علی شکوہ، ایڈیشنل آئی جی پولیس اور متعلقہ اداروں کی جانب سے سفارشات پر عملدرآمد سے متعلق بریفنگ دی گئی۔ اجلاس کو بتایا گیا کہ ایف اے ٹی ایف کی گیارہ سفارشات پر عملدرآمد جاری ہے جن میں منی لانڈرنگ کے ذریعہ دہشت گرد تنظیموں کو کی جانے والے فنڈنگ کو روکنے، کالعدم تنظیموں کے اثاثہ جات کی ضبطگی اور بینک اکاؤنٹس کا منجمد کیا جانا، غیر سرکاری تنظیموں اور غیر منافع بخش تنظیموں کی رجسٹریشن اور ان کے کوائف کے حصول کے علاوہ چیریٹی لاء کے لئے قانون سازی جیسے اقدامات شامل ہیں۔

اجلاس کو بتایا گیا کہ ضبط اور منجمد کئے گئے اثاثہ جات اور اکاؤنٹس کی مزید تحقیقات کے لئے جے آئی ٹی قائم کردی گئی ہے۔ متعلقہ کیسز کی تعداد 55 ہے، جن کا اندراج سی ٹی ڈی میں کیا گیا ہے اور گرفتاریاں بھی عمل میں لائی گئی ہیں جبکہ مزید تحقیقات جاری ہیں۔

اجلاس میں این جی اوز اور این پی اوز کی رجسٹریشن اور مانیٹرنگ کے طریقہ کار کا جائزہ لیتے ہوئے فیصلہ کیا گیا کہ تمام ڈپٹی کمشنر اپنے اضلاع میں کام کرنے والی ان تنظیموں کا ڈیٹا تیار کریں گے۔ اجلاس میں غیر سرکاری تنظیموں کی رجسٹریشن کے لئے قانون سازی کا فیصلہ کرتے ہوئے بلوچستان چیریٹیز (رجسٹریشن اینڈ فیسیلیٹیشن بل 2019ء) منظوری کے لئے صوبائی کابینہ کو پیش کرنے کا فیصلہ بھی کیا گیا۔

اس موقع پر خطاب کرتے ہوئے وزیراعلیٰ نے کہا کہ فائنانشل ایکشن ٹاسک فورس کی سفارشات پر عملدرآمد امن کے قیام کے لئے ہمارے اپنے مفاد میں بھی ہے۔ متعلقہ محکمے اور ادارے اس ضمن میں پیشرفت کریں خاص طور سے ڈپٹی کمشنر اپنا فعال کردار ادا کریں۔

Read More